تناقض الرئيس و الفتيني

المطيع تكلم و ليته ما تكلم ..

تكلم (المطيع) و رد على بيان عائلة العلوم الإدارية (الرابطة و أندية الأقسام العلمية) وليته ما تكلم ، الصراحة في البداية إنصدمت برد المطيع الي ما رد بلسانه بل رد على لسان مديرالعلاقات العامة و إلي قال في إنه الرابطة إهيا المسؤولة عن وقف النشاط لأنه كتبت في إستمارة نشاط اليوم المفتوح أنه للطلبه فقط ، فستغربت و نطرت لما خلصت الإجازة ورحت سألت شباب الرابطة إن صج هالكلام إلي كاتبينا، فشرحولي السالفة إلي للأسف بينت إن إدارتنا للأسف تفشل و ظالمة خوفا على كرسي (المطيع) :

شقالو الرابطة :-

إن من سنة 96 صدر قانون (منع الإختلاط) فماكو أي إستمارة تتوقع و فيها طلبة وطالبات ، فجميع الروابط و الجمعيات بما فيهم الإتحاد يحطون إما شباب أو بنات و لكن يصير النشاط مختلط ، و إذا حطيت شباب و بنات في إستمارة نشاط وحدة ماتمشي لو شصير و إستمارة النشاط ما تتوقع ، و السبب من هالشي إن صدر قانون منع الإختلاط لكن الجامعة غير مهيئة لتطبيقه بالشكل الكامل، فالإدارة الجامعية ما تطبق القانون على أنشطة الروابط و الجمعيات و حتى الإتحاد. يعني السالفة إن(المطيع) قاعدة يدور أي عذر عشان يقطه براس هالمساكين، و (المطيع) قاعد ينقي الأنشطة إلي يبي يوقفها و يقط عذره بإستمارة النشاط و لو كان الموضوع موضوع إستمارة نشاط فمعناته إن جميع الروابط و الجمعيات و حتى الإتحاد مخالفين ، فليش يتوقف هذا النشاط بالذات من بين كل أنشطة الجمعيات و الروابط إلي بجامعة الكويت ؟ و ليش ما توقف نشاط اليوم المفتوح الأول و الثاني بنفس العذر ؟

الفتيني و رئيسه .

صبحت يوم الأحد بأول يوم لي عقب الإجازة فخلال ال(BREAK) قلت أشوف أخر أخبار اليوم المفتوح بالجرايد ، فدورت بجريدة الجريدة لأنها أكثر وحدة أثارت الموضوع ما لقيت شيء لكن لما فتحت الوطن لقيت رد من رئيس إتحادنا ، فقال إن الإتحاد ماله شغل بوقف اليوم المفتوح وإن البيان إلي نزلتهCBAFAMILY كله إتهامات من غير أدلة.

رح اقتبس من كلامه عشان أسهل لكم السالفة :-

" يستغرب ما جاء في البيان الذي وزع في كلية العلوم الإدارية يوم الخميس الماضي من اتهامات باطلة للاتحاد بأنه وراء الايقاف مؤكداً أن هذه مزاعم وأقاويل دون أدلة ولا اثباتات"

كلامك صح CBAFAMILY و الرابطة و له حتى الصحافة طلعو دليل ، بس ترى (لفتيني) بط الجربة و قاعد يمشي ويبشر إن وقف النشاط ، و كل إلي يشتغلون معاكم (الإئتلافية) قاعدين يقولون إن الإتحاد ماله شغل هذا تصرف (الفتيني) ، و المشكلة إن(الفتيني) أمين سرك يا سعادت الرئس ، يعني عضو في الإتحاد :> شلون بالله عليك الإتحاد ماله شغل ؟؟

و المشكلة حتى أعضاء الأندية العلمية في منهم قالي إن (الفتيني) بنفسه مبشرهم إن وقف النشاط ( و الله هل OPEN DAY طلع بلاوي :>)

"تحريض الاتحاد لبعض النواب لايقاف هذا البرنامج فهو كلام غير صحيح أبدا ولا يستند الى أي دليل وهذه الاشاعات أطلقها بعض المتكسبين انتخابياً من أجل تشويه صورة العمل النقابي وتشويه صورة الممثل الشرعي"

إلي منزلين البيان و الأقاويل (على قولتك) إهمة (CBA FAMILY) يعني الرابطة و الأندية العلمية ، كل الأندية ماعندهم إنتخابات بالله على شنو تكسب إنتخابي ؟ ، البيان موقع بإسم (CBA FAMILY) مو بس الرابطة يا سعادت (الرئيس)

"ونحن على استعداد لادارة هذا النشاط أو المساهمة في رعايته وفق الضوابط واللوائح الجامعية"

إهني مربط الفرس ، يعني يا إتسوونها معاي وإلا ما يصير ، الحين يا حضرة (الرئيس) (الفتيني) أمين سرك يقول أن أهو كلم (البابا) عشان يوقف اليوم المفتوح لأن الي يصير باليوم المفتوح لا يرضي الله و لا رسوله ( يعني لا يجوز) ، بس إنت على كلامك إن (يجوز لكم) بس لايجوز(من غيركم) هم بعد مايصير.

هذا إلي صراحه قدرت اوصله ليلحين ، و الله يا CBA FAMILY رايتكم بيضة و يا رابطة بالذات لأنه الطق كله بويوهكم وكملو بشغلكم ، لازم ما تسكتون لأن سكوتكم يعني إحنا راضين على إلي يصير وحنا مو راضين بهل تلاعب الواضح ! ، والله يوفقكم .

و شكرا لمدونة أم صدة على إهتمامها بموضوع اليوم المفتوح و الإشادة بمدونة العلوم الإدارية

.http://www.om9edda.blogspot.com/